MSMA

ဗုဒ္ဓပြောတဲ့ အာဇာနည်

18/07/2009

အာဏာရမက်ငန်းငန်းတက်သူ မသမာသူ လူတစ်စုရဲ့လက်ချက်ကြောင့် ဗိုလ်ချု့ပ်အောင်ဆန်း ဦးဆောင်တဲ့ မြန်မာ့လွတ်လပ်ရေး ခေါင်းဆောင်ကြီးတွေ ကျဆုံးသွားခဲ့ကြရတာ ယခုဆိုလျှင် နှစ်ပေါင်း ၆၂-နှစ်သို့ပင် ရောက်ရှိလို့လာခဲ့ပါပြီ။ ကိုယ့်အသက်စည်းစိမ်ဥစ္စာကို ပဓာနမထားပဲ တိုင်းပြည်နဲ့ လူမျိုးအကျိုးအတွက် တိုင်းတစ်ပါးရဲ့ ကျွန်ပြုမှုအောက်ကနေ လွတ်မြောက်အောင် ကြီုးစားခဲ့ရုံမျှမက ပြည်ထောင်စုတိုင်းရင်းသားများအားလုံး စည်းလုံးညီညွတ်မှု ရရှိအောင်လည်း လုပ်ဆောင်နိုင်ခဲ့တာကြောင့် တိုင်းရင်းသား ပြည်သူတရပ်လုံးရဲ့ ကြည်ညိုမှု လေးစားတန်ဖိုးထားမှု အားကိုးမှု စတာတွေကိုလည်း ၇ရှိခဲ့ကြသူတွေပါ။ သူတို့တတွေရဲ့ ကျဆုံးမှုဟာ တိုင်းပြည်နဲ့ လူမျိုးအကျိုးအတွက် အစားထိုးလို့မရနိုင်တဲ့ ဆုံးရှုံးမှုကြီးတစ်ရပ် ဖြစ်လို့သာနေပါတော့တယ်။

အကြောင်းကတော့ ထိုအာဇာနည်ခေါင်းဆောင်ကြီးများအနေနဲ့ မိမိတို့တိုင်းပြည်ကို တိုင်းတပါးရဲ့ကျွန်ပြုမှု လက်အောက်က လွတ်မြောက်စေခြင်းရဲ့ ဘ၀တစ်ကွေ့ တစ်ဆက်ချိုးအထိေ၇ာက်ရှိအောင် ပို့ဆောင်ပေးနိုင်ခဲ့ပေမယ့် ပြည်တွင်းဖြစ် စစ်အာဏာရှင် ကိုလိုနီ တွေရဲ့ လက်အောက်မှာ တစ်ဝဲလည်လည်ဖြစ်နေရဆဲမို့ပါပဲ။ ဒါကြောင့်မို့ အာဇာနည်ခေါင်းဆောင်ကြီးတွေရဲ့ ကျရှုံးသွားရမှုဟာ တိုင်းပြည်နှင့်လူမျိုးတစ်ရပ်လုံးကို စစ်အာဏာရှင်တွေရဲ့ လက်ထဲ ထိုးအပ်ခံလိုက်သလိုဖြစ်နေစေပါတယ်။
တကယ်တော့လည်း တိုင်းပြည်နဲ့ လူမျိုးရဲ့ အကျိုးကိုမကြည့် မိမိရဲ့ ရာထူး အာဏာကိုသာ ကြည့်တတ်ကြသူတွေဟာ ခေတ်အဆက်ဆက်တိုင်းမှာ အာဇာနည် သူရဲကောင်းတို့ရဲ့ အခြားစာမျက်နှာတစ်ဖက်မှာ ရှိတတ်ကြစမြဲပဲမဟုတ်ပါလား။ ဒီလိုလူမျိုးတွေကို သူရဲဘောကြောင်သူတွေရယ်လို့ လူတွေက သမုတ်လေ့ရှိကြပါတယ်။

ထိုသူတွေဟာ ပြည်ချစ်ဇာနည်ရဲ့ ဆန့်ကျင်ဘက် ပြည်ဖျက်ဇာနည်များသာ ဖြစ်ပါတယ်။ တစ်ချိန်တည်းမှာပဲ သူရဲကောင်းကြီးတွေရဲ့ ကောင်းမြတ်တဲ့ ဂုဏ်ရောင်တွေကို သူရဲဘောကြောင်သူတွေက လမ်းညွှန်ပေးမယ့် မီးပြတိုက်ကြီးသဖွယ် သဘောမထားနိုင်ပဲ အမြဲနောက်ကလိုက်ပြီး ခြောက်လှန့်နေတဲ့ မီးလုံးကြီးသဖွယ် အမြင်မှားတတ်လေ့ရှိကြပါတယ်။ ဒါကြောင့်မို့လည်း ယခုဆိုလျင့် မြန်မာနိုင်ငံမှာ အာဇာနည်ခေါင်းဆောင်ကြီးတွေရဲ့ ဂုဏ်ရောင်ကို တစ်နေ့တစ်ခြား မှေးမှိန်အောင် ကြိုးစားနေကြတာပဲမဟုတ်ပါလား။
တကယ်တော့ သူရဲဘောကြောင်သူတွေဟာ ကိုယ်ပိုင်မူ ကိုယ်ပိုင်အတွေးအခေါ် ကိုယ်ပိုင်လက္ခဏာတွေ ကင်းနေတဲ့အတွက် မိမိရဲ့ကိုယ်ပိုင်သဘောထား ရပ်တည်ချက်တွေအပေါ်မှာ ရပ်တည်နိုင်ကြသူတွေမဟုတ်ပါဘူး။

အဲဒီလိုပုဂ္ဂိုလ်တွေရဲ့ အသိဉာဏ်ဟာ ဆင်ခြင်တုံတရားကင်းမဲ့မှု မသိမိုက်မဲမှု အပေါ်မှာသာ အခြေခံထားတာကြောင့် ကျိုး ကြောင်းဆီလျော်မှု စတာတွေကို မဝေခွဲတတ်အောင် ဖြစ်လေ့ရှိတတ်ကြပါတယ်။ အဲဒါကို အဘိဓမ္မာစကားနှင့်ပြောရရင်တော့ မောဟ အ၀ိဇ္ဖာလို့်ခေါ်ပါတယ်။ အဲဒါနဲ့ ပတ်သက်ပြီး ဟောမား ဆိုတဲ့ ပုဂ္ဂိုလ်ကြီးကတော့ အခုလိုပြောပါတယ်၊ “သူရဲဘောကြောင်တဲ့သူတွေဟာ သူတစ်ပါးရဲ့ကျွန်ဖြစ်ဖို့ အသင့်အနေထားမှာရှိနေပြီးတော့၊ ကျွန်ဖြစ်သွားတာနဲ့ တစ်ပြိုင်တည်းမှာပဲ သူရဲ့ ကိုယ်ကျင့်စာရိတ္တ တ၀က်ဟာလည်း ပြောက်ကွယ်သွားတတ်တယ်” လို့ ဆိုပါတယ်။ နောက်တစ်ယောက်ဖြစ်တဲ့ ဒေါက်တာအာနိုး ဆိုသူကတော့ “ သူရဲဘောကြောင်သူတွေဟာ ကျွန်ဖြစ်နေရတဲ့အချိန်မှာ သူရဲ့ကိုယ်ကျင့်စာရိတ္တ တစ်ဝက်လောက်ဟာ ကျန်ရှိနေသေးပေမယ့် ကျွန်ဘ၀က လွတ်မြောက်သွားတဲ့အချိန်မှာတော့ ၄င်းကျန်တစ်ဝက်ပါ ပြောက်ကွယ်သွားတတ်တယ်” လို့ ထည့်စွက်ပြီးပြောဆိုသွားခဲ့ပါတယ်။

ဒါကဘာကို ပြလိုတာလဲဆိုတော့ သူရဲဘောကြောင်သူတွေဟာ ဆုံးရှုံးမှုလောကဓံတွေမှာ အတိုင်းအတာတစ်ခုအထိ ခံနိုင်ရည်ရှိနေသေးပေမယ့် အောင်မြင်မှုလောကဓံ နဲ့တွေ့ကြံရချိန်မှာတော့ ရာထူး အာဏာ စည်းစိမ် စတာတွေရဲ့အပေါ်မှာ တင်းတိမ်ရောင်ရဲမှု ဆိုတာမရှိတော့ပဲ အထိန်းအကွပ်မဲ့ ဖြစ်သွားတတ်တဲ့သဘောကို ဆိုလိုတာပဲဖြစ်ပါတယ်။ ဒါကို မြတ်ဗုဒ္ဓရဲ့စကားတော်တွေဖြစ်တဲ့ “လောဘော အတ္ထံ န ဇာနာတိ- ရာထူး အာဏာ စည်းစိမ်ဥစ္စာတွေအပေါ်မှာ အလိုလောဘ ရမက် လွမ်းမိုးမှုကို ခံနေရသူတွေ၊ ဒေါသော အတ္ထံ န ဇာနာတိ၊ အမျက်ဒေါသထွက်နေသူတွေဟာ အမှား အမှန်၊ အကြောင်း အကျိုး၊ အကောင်း အဆိုး စတာတွေကို မသိတော့ဘူး” ဆိုတာတွေက သက်သေပြလို့နေပါတယ်။ ဒီတရားနှစ်ပါးဟာ အသိဉာဏ် ကင်းမဲ့မှုရဲ့အပေါ်မှာ အခြေခံပါတယ်။ ဒါကြောင့်မို့လည်း မောဟော အတ္တံ န ဇာနာတိ- မသိ မိုက်မဲမှုတွေဟာလည်း ဆိုး ကောင်း၊ ကျိုး ကြောင်း စတာတွေကို မသိမှုရဲ့ အဓိက တရားခံဖြစ်တယ်လို့ ဟောတော်မူခဲ့ပါတယ်။

ယခု အာဇာနည်ခေါင်းဆောင်ကြီးတွေ လုပ်ကြံသတ်ဖြတ်ခံရမှုမှာလည်း ကြည့်ပါ။ တိုင်းတပါးရဲ့ ကျွန်ပြုမှုအောက်မှာ အတူတကွ တွေ့ကြုံခံစားခဲ့ကြရ အတူတကွ တွန်းလှန်ခဲ့ကြပေမယ့် တိုင်းပြည်နဲ့လူမျိုးလွတ်မြောက်ခါနီးအချိန်မှာတော့ မိမိတို့ရရှိထားတဲ့ ရာထူးအာဏာနဲ့ မတင်းတိမ် မရောင်ရဲနိုင်ကြပဲ တိုင်းပြည်ရဲ့ ကယ်တင်ရှင်လို့ဆိုရမယ့် အာဇာနည်ခေါင်းဆောင်ကြီးတွေကို အမြှော်အမြင်ကင်းမဲ့စွာနဲ့ပဲ လုပ်ကြံသတ်ဖြတ်လိုက်ကြပါတယ်။ ယခုလို သန်းပေါင်းများစွာသော တိုင်းသူပြည်သားများရဲ့ ကောင်းကျိုးချမ်းသာအတွက် မိမိတို့ရဲ့အသက်သွေး ချွေးတွေကို ပေးဆပ်သွားခဲ့ကြလို့လဲ အာဇာနည် သူရဲကောင်းကြီးများရယ်လို့ ကင်ပွန်းတတ် မှည့်ခေါ်ခဲ့ကြတာပဲမဟုတ်ပါလား။ အာဇာနည်ခေါင်းဆောင်ကြီးဖြစ်တဲ့ ဗိုလ်ချုပ်အောင်ဆန်းရဲ့ ရိုးသား ဖြောင့်မတ်တဲ့ဂုဏ်တွေ တိုင်းပြည်နဲ့လူမျိုးအကျိုးအတွက် သူရဲ့မျှော်လင့်ချက် အတွေးအခေါ် စတာတွေဟာ သူရဲ့မိန့်ခွန်းစကားတွေက ဖော်ပြလို့နေပါတယ်။

အာဇာနည် ဆိုတဲ့ ဂုဏ်ပုဒ်နဲ့ပတ်သက်လို့ မြန်မာပြည်ရဲ့ လွတ်လပ်ရေး ဗိသုကာကြီးဖြစ်တဲ့ ဗိုလ်ချုပ်အောင်ဆန်းရဲ့ သမီးဖြစ်သူ ယခုလက်ရှိ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း ယခုလိုဖွင့်ဆိုထားပါတယ်။ “ စွန့်စားရဲတဲ့ပုဂ္ဂိုလ်များ အနစ်နာခံပြီး ကိုယ့်ယုံကြည်ချက်အတွက် လှုပ်ရှားရဲတဲ့ပုဂ္ဂိုလ်တွေကို အာဇာနည်လို့ ခေါ်တယ်။ ဒီတော့ စွန့်စားတာအပေါ်မှာ မူတည်ပါတယ်၊ စွန့်လွှတ်တာအပေါ်မှာ မူတည်ပါတယ်၊ ယုံကြည်ချက်အပေါ်မှာ မူတည်ပါတယ်၊ အောင်မြင်ခြင်းဆိုတာထက် အောင်မြင်မှုအတွက် ကြိုးပမ်းခြင်း အပေါ်မှာ အခြေခံပြီးတော့ လူတစ်ယောက်ဟာ အာဇာနည် ဟုတ်သလား မဟုတ်သလားဆိုတာ ကျွန်မတို့ ဆုံးဖြတ်ရမှာပါ”။ အဆိုပါ မိန့်ခွန်းစကားတွေကို ကြည့်သောအားဖြင့် မိမိကိုယ်ကျိုးတွေကို စွန့်လွှတ်အနစ်နာခံပြီး အများကောင်းကျိုးအတွက် လုပ်ဆောင်နေကြသူတွေဟာ တကယ့်အာဇာနည်ပုဂ္ဂိုလ်ကြီးတွေဖြစ်တယ် ဆိုတာကို သိနိုင်ပါတယ်။ လက်နက်ကိုင်ပြီး တိုက်ပွဲဝင်မှ အာဇာနည်ဖြစ်နိုင်တာမဟုတ်ပါဘူး။ မိမိရဲ့ လုံးလပယောဂကြောင့် လူအများ ကိုယ်စိတ်နှစ်ပါး ချမ်းသာရတယ်ဆိုရင် ဒါဟာ အာဇာနည်ဆိုတဲ့ ဂုဏ်ပုဒ်နဲ့ ထိုက်တန်တာပါပဲ။

အာဇာနည်ပုဂ္ဂိုလ်ဆိုတာ ဘယ်လိုပုဂ္ဂိုလ်မျိုးကိုခေါ်ပါသလဲ ဆိုတဲ့ အရှင်အာနန္ဒာမထေရ်ရဲ့ အမေးကို မြတ်စွာဘုရားရဲ့တုန့်ပြန်ချက်က “ လောကမှာ ဆင်အာဇာနည် ၊ မြင်းအာဇာနည်၊ နွားလားဥသဘ စတဲ့ အာဇာနည်တွေကို သက်ဆိုင်ရာ အရပ်မျက်နှာတွေမှာ တွေ့နိုင်ပေမယ့် ယောက်ျားအာဇာနည် လူအာဇာနည် ဆိုတာကိုတော့ ရဖို့ရာ အလွန်တရာမှ ခဲယဉ်းတယ်။ နေ၇ာတိုင်းမှာမရှိနိုင်ဘူး။ အဲဒီလို ယောက်ျားအာဇာနည် လူအာဇာနည်မျိုးတွေ ပေါ်ထွန်းခဲ့မယ်ဆိုရင်လည်း ထိုအာဇာနည်ကြီးတွေပေါ်ထွန်းတဲ့ အ၇ပ်ဒေသက လူအများဟာ ကိုယ်စိတ်နှစ်ပါး ချမ်းသာမှုကို ရရှိနိုင်တယ်လို့” မိန့်ကြားတော်မူခဲ့ပါတယ်။ အဆိုပါ မြတ်ဗုဒ္ဓရဲ့စကားရပ်က ဗိုလ်ချုပ်ဦးဆောင်တဲ့ အာဇာနည်ပုဂ္ဂိုလ်ကြီးတွေရဲ့ ဂုဏ်ရောင်ကို ပိုပြီးတောက်ပြောင်စေတဲ့အပြင် လူထုခေါင်းဆောင် ဒေါ်အောင်ဆန်းစုကြည်ရဲ့ အာဇာနည်နဲ့ပတ်သက်တဲ့ အမြင်အယူအဆတွေကိုလည်း ထောက်ခံလို့နေပါတယ်။

ဒါကြောင့် အာဇာနည်ပုဂ္ဂိုလ်ကြီးတွေရဲ့ တူညီတဲ့ သဘောထား အယူအဆ ခံယူချက်တွေဟာ အာဇာနည်သူရဲကောင်း ဆိုတဲ့ ဂုဏ်ပုဒ်ရဲ့ စံနှုန်းတွေများဖြစ်လို့နေရာ့သလားလို့ပါ။ ယခုလို ထူးခြားပြောင်မြောက်ပြီး တိုင်းပြည်နဲ့လူမျိုးရဲ့အကျိူးအတွက် တာဝန်ထမ်းဆောင်ရင်း အသက်ပေးဆပ်သွားခဲ့ကြရတဲ့ မြန်မာ့အာဇာနည်သူရဲကောင်းကြီးများရဲ့ ၆၂-နှစ်မြောက် အာဇာနည်နေ့ကို အလေးမြတ် ဦးညွတ်ဂုဏ်ပြုလိုက်ရပါတယ်။

ဇာနည်ယောက်ျား အလွန်ရှား၏
များပြားနေရာ မဖြစ်ပါဘဲ
ဖြစ်လာပြန်မူ
ထိုသူဖြစ်ရာ ရပ်ရွာအမျိုး ချမ်းသာတိုး၏။ ။

သခင်နွယ် (MSMA)